چن تارے اونہاں دے
دھرتی امبر کی
جگ سارے اونہاں دے
تو نعتاں لکھدا رہ
پیارے آقا دیاں
بس باتاں لکھدا رہ
کسے دُھن وچ رہناں واں
صلّ اللہ علیہ
وسلم جد کہنا واں
دیوانے کہندے نیں
سُن کے نام اُس دا
بس جھوم دے دیندے نیں
اک چن اک تارا اے
اُس دے کر کے ای
جگ چانن سارا اے
صبح یا شام آوے
صلِ علیٰ پڑھ لو
جد اُس دا نام آوے
راہی معراجاں دے
والی وارث نیں
بے کس محتاجاں دے
ڈر سارے لتھ گئے نیں
ساڈے ہتھ جد دے
سرکار دے ہتھ گئے نیں
کاشف حباب